أبيدجان: كم كلمة عالماشي(كلنا إخوة وأبناءبلدواحد)

بالعربي المشبرح.…..

رح اكتبن متل ما هني وقول للكل للخارج والداخل: ..

نحنا بالاغتراب وتحديدا بأبيدجان نحنا أخوة يعني بالنسبة للجنة الرباعية او الثمانية او حتى مئوية نحنا اولاد بلد واحد نحنا منبقى أخوة يعني منتلاقى سوى معهم ومع الكل بفرح او بعزاء او بمكان عام او او او او وين ما كان يعني منضل منحب بعض ومنحترم بعض مهما كان اختلاف الرأي ولو بضغوطات خارجية او داخلية المبدأ الإنساني المرتكز على الأخلاقيات فالحمدلله موجود ودايما بقلوبنا وعند كل واحد مننا ….

وحتى كل الجمعيات الخيرية الموجودة بالجالية نحنا كلنا سوى وكلنا منكمل بعض وما بدنا أراء تنفرض فرض على حدا ابدا ،

بدنا أراء بناءة تفيد الجالية كلها وعلى هيدا الأساس منقدر نقوي وندعم جاليتتا الكريمة.

 فيااااااااا المصطادون في الماء العكر اتركونا بحالنا ونحنا منحل اي سوء تفاهم ما بيننا وليس هناك اي فرض بإلغاء الأخر لأن الجالية بتتكون من أبنائها اي المقيمين هنا اي في الإغتراب وما فيه ولا قانون خارجي بيتطبق هون غير قانون هالبلد الطيب ونقطة على السطر .

يعني وبالعربي المشبرح لازم يكون فيه انتسابات قانونية لنوصل إلى انتخابات قانونية وتشمل أبناء جاليتنا الكرام دون استثناء ما فيه حدا بسمنة وآخر بزيت كلنا إخوة وأبناء بلد واحد…..

للمسؤولين المعنيين بقول كل فرد من جاليتنا هوي مسؤول ومعني عن رأي وانتسابه وانتخابه وا وا وا وا وا وما منحط شروط على حدا غير القانون يلي بقولوا …..

مكتب الجالية ،الإنتسابات، والطلبات الرسمية يلي بلش فيها المكتب من ايام رئيس الجالية الراحل الحاج نجيب زهر رحمه الله ما زالت مستمرة وبعلم القانون والنظام الداخلي هون بأبيدجان وحتى في الجامعة اللبنانية الثقافية في العالم في لبنان بيعرفو هالشي وما حدا بيقدر يتخبى ورا اصبعو….

ان شئنا ام أبينا ما بصح الا الصحيح …..

والصحيح كلنا منعرفو شو هوي !!!!!!!!! هووووووووووووووووي القااااااااااااااااانون

بيكفينا تضييع وقت وخلينا نعمل شي عمل جماعي متزن يرفع رأس الجالية هون وبغير بلدان وبكل الإغتراب ونبقى دايما ايد بإيد ونتسمع لبعض ونتحاور ونتشاور حتى نلاقي الفكرة الأنسب والأفضل والبنائة يلي بتخدم عن جد جالياتنا والبلد المضيف…..

بتمنى يلي عم يقروا مقالتي كم كلمة عالماشي يكونوا  دعم للوفاق والاتفاق لأن القصة ما لازم تطول وناخدها لمطارح ما بتشبه حدا فينا لأننا كلنا إخوة وأولاد بلد واحد

بالمحبة منبني مجتمع عريق …

أخوكم وخادم الجالية عصام قشاقش